I bin a Frohnatur

Monche Leit hom nix ois Pech und immer geht wos schief
und dadurch sans dauernd in an depressiven Tief
Mir kennt sowas nie passier´n weu i bin net aso
i siech ollas positiv und hau mi ständig o
Wauns zum Beispü regnet und mir homs mein Schirm geklaut
sog i nur des mocht jo nix weus guat is für die Haut
Und waun i zum Auto kumm und hab ein Strafmandat
spoar is hoit beim Nochtmoi ein und iß nur an Salat
Kurz und gut mi haut nix um so lautet mei Gesetz
und waun i wo einekumm gibt´s glei a riesen Hetz

I bin a Frohnatur
wia
s so sche hast i setz mi glei dazua
wenn ollas paßt, i loß de Stoppeln knoll´n
bis in da Fruah weu i bin durch und durch
a Frohnatur

Waun ma immer grantelt ziagt mas Unglück direkt an
i bin liaba lustig weu ma eh nix ändern kaun
mei Devise lautet immer froh und gut gelaunt
wia des funktioniert, das hat so manchen schon erstaunt
Psychiater brauch i kan, wos kann ma der scho sog´n
I was nur i kränk mi net des schlogt si auf´n Mog´n

I bin a Frohnatur
wie man so sogt, i sing in ana tur ganz ungefrogt
i krieg vom glücklichsein hoit niemois gnua
weu i bin durch und durch a Frohnatur

Ollas is nur hoib so wüd, nimmt man es mit Humor
und so wirds a sein steh ich einst vor dem Himmelstor
und sollt mir da Petrus dann mit strenger Miene frog´n
Gitterl woarst a immer brav, dann wer i eam drauf sog´n
Brav vielleicht net immer oba immer kreuzfidö
und für sowas kummt ma do bestimmt net in de Hö

I bin a Frohnatur
wie man so sogt, i hob ma ans nur g´schwuarn
das kana klogt
und wauns ma daun und waun a dreckig geht
i bin a Frohnatur des kränkt mi net
I bin a Frohnatur
wias so sche hast, i hob ka Zeit valuarn wie man ja waß
und wauns a hi und do zum wana woar
i bin a Frohnatur, des is jo kloar